जासन रोयले आईपीएल नखेल्ने

काठमाडौं । इंग्ल्यान्डका ब्याट्सम्यान जासन रोयले इन्डियन प्रिमियर लिग (आईपीएल) नखेल्ने भएका छन् ।

जासन नयाँ सिजनको आईपीएलका लागि गुजरात टाइटन्समा अनुबन्धित भएका थिए । उनलाई अक्सनबाट गुजरातले २ करोड इन्डियन रुपीमा खरिद गरेको थियो ।

तर, लामो समय प्रतियोगिताको बबलमा रहनु पर्ने भएको कारण उनले नाम फिर्ता लिएका हुन् ।

गुजरातले उनको स्थानमा अर्को खेलाडी अनुबन्ध गरेको छैन ।

आईपीएलको नयाँ सिजन मार्च २६ देखि मे २९ सम्म हुनेछ । 

आईपीएलका खेलहरु भारतको मुम्बई तथा पुणेमा हुनेछ ।