उपाधिका लागि एपीएफ र सुदुरपश्चिम भिड्दै

काठमाडौं । दोस्रो संस्करणको ललितपुर मेयर्स कप टी-ट्वान्टी  महिला च्याम्पियनसिपको फाइनल खेल आज सोमबार हुँदैछ ।

टियु क्रिकेट मैदानमा हुने फाइनलमा एपीएफ क्लब र सुदुरपश्चिम प्रदेशबीच प्रतिस्पर्धा हुनेछ । फाइनल खेल दिउँसो १ बजे सुरु हुनेछ ।

आज दुबै टोली उपाधि जित्ने योजनासहित मैदान उत्रने छन् । त्यसैले फाइनल खेल रोमान्चक हुने अनुमान गरिएको छ।

पाँच टोली सहभागी प्रतियोगितामा एपीएफ शीर्ष स्थानमा रहदै फाइनल पुगेको हो । एपीएफले ४ खेलमा ४ जितसहित ८ अंक जोडेको थियो ।

सुदुरपश्चिमले ४ खेलमा ३ जितसंहि ६ अंक जोड्यो । र, दोस्रो स्थानमा रहदै फाइनल पुगेको हो ।

गत वर्ष पनि फाइनलमा एपीएफ र सुदुरपश्चिम भिडेका थिए । त्यस फाइनलमा सुदुरलाई ८ विकेटले हराएर एपीएफले उपाधि जितेको थियो ।