अष्ट्रेलियन टिम पाकिस्तानमा, राज्य प्रमुखसरह सुरक्षा प्रदान गरिने

काठमाडौं । घरेलु टोली पाकिस्तानविरुद्धको क्रिकेट सिरिजका लागि अष्ट्रेलिया क्रिकेट टिम आईतबार पाकिस्तान आइपुगेको छ ।

सन् १९९८ पछि पहिलो पटक अष्ट्रेलियाको टोली क्रिकेट सिरिजका लागि पाकिस्तान आएको हो । 

पाकिस्तान र अष्ट्रेलियाबीच तीन खेलको टेस्ट, तीनको खेलको एकदिवसिय तथा एक खेलको टी–ट्वान्टी सिरिज हुनेछ । 

पहिलो टेस्ट रावलपिन्डीमा मार्च ४ बाट सुरु हुनेछ । 

अष्ट्रेलियाको टोली अप्रिल ६ मा स्वदेश फर्किने तालिका रहेको छ । 

५ वर्ष अघि लाहोरको एक चर्चमा विस्फोट भएपनि अष्ट्रेलियाले पाकिस्तानको भ्रमण रद्द गरेको थियो । 

सन् २००९ मा पाकिस्तान भ्रमणमा रहेको श्रीलंकाको टोलीमाथि आतंकवादी आक्रमण भएपछि पाकिस्तानले अन्य देशविरुद्ध क्रिकेट सिरिज आयोजना गर्न संघर्षरत रहेको छ । 

केही महिना अघि नै न्यूजिल्यान्ड र इंग्ल्यान्डले पाकिस्तान भ्रमण रद्द गरेका थिए । 

यसैबीच पाकिस्तानले अष्ट्रेलियाको टिमलाई राज्य प्रमुख स्तरीय सुरक्षा प्रदान गरिने जनाएको छ । 

यस खाले सुरक्षा उच्चस्तरीय विदेशी पाहुना तथा पाकिस्तानका राष्ट्रपति र प्रधानमन्त्रीलाई प्रदान गरिने गरिएको छ । 

अष्ट्रेलियाको टोलीले यात्रा गर्दा सडकहरु सर्वसाधारणको लागि यातायात बन्द गरिनेछ भने आर्मीको हेलिकप्टरले पनि उनीहरुलाई सुरक्षा प्रदान गर्नेछ ।