बायर्नलाई ९ अंकको अग्रता

काठमाडौं । जर्मन बुन्डेसलिगा फुटबलमा शीर्ष स्थानको बायर्न म्युनिखले जित निकालेको छ ।

शनिबार राति भएको खेलमा बायर्नले फ्रान्कफुर्टलाई १-० गोल अन्तरले हराएको हो ।

बायर्नलाई जित दिलाउन लोरी सानेले निर्णायक गोल गरे ।

उनले खेलको ७१ औं मिनेटमा गोल गरेका थिए ।

यस जितसँगै बायर्नले २४ खेलमा ५८ अंक जोडेको छ ।

बायर्नले बोरुसिया डर्टमण्डविरुद्ध ९ अंकको अग्रता बनाएको छ ।

दोस्रो स्थानको डर्टमण्डको ४९ अंक रहेको छ ।

फ्रान्कफुर्ट ३१ अंक जोडेर दशौँ स्थानमा रहेको छ ।