एरिक्सनको डेब्यु, ब्रेन्टफोर्ड पराजित

काठमाडौं । इंग्लिस प्रिमियर लिग फुटबलमा ब्रेन्टफोर्ड पराजित भएको छ ।

शनिबार राति भएको खेलमा ब्रेन्टफोर्ड न्युकासलसँग २-० ले पराजित भएको हो ।

न्युकासललाई जित दिलाउन जोइलिनटन र जोइ विललकले एक एक गोल गरे ।

मिडफिल्डर क्रिस्टियन एरिक्सनले न्युकासलविरुद्ध मैदान उत्रदै डेब्यु गरेका छन् ।

एरिक्सन खेलको ५२ औं मिनेटमा मैदान छिरेका थिए ।

युरोकप दौरान भएको हृदयघातपछि एरिक्सनले पहिलो पटक व्यवसायिक फुटबल खेलेका हुन् ।

युरोकपमा फिनल्याण्डविरुद्धको खेल दौरान हृदयघात भएर एरिक्सन मैदानमा ढलेका थिए  ।

मैदानमा ढलेपछि २९ वर्षीय मिडफिल्डरलाई तत्काल मैदानमै सीपीआर दिईएको थियो । जसको कारण उनको ज्यान बचेको थियो ।

यस जितसँगै न्युकासलले २५ खेलमा २५ अंक जोडेर १४ औं स्थानमा रहेको छ ।

ब्रेन्टफोर्ड २४ अंक जोडेर १५ औं स्थानमा रहेको छ ।

प्रिमियर लिग अन्तर्गत नै अर्को खेलमा म्यानचेस्टर युनाईटेडले वाट्फोर्डसँग गोलरहित बराबरी खेलेको छ ।