साउथह्याम्पटनको सहज जित

काठमाडौं । इंग्लिस प्रिमियर लिग फुटबलमा साउथह्याम्पटनले सहज जित निकालेको छ ।

शुक्रबार राति भएको खेलमा साउथह्याम्पटनले नर्विच सिटीलाई २-० गोल अन्तरले हराएको हो ।

साउथह्याम्पटनलाई जित दिलाउन चे एडम्स र ओरिओल रोमेउले एक एक गोल गरे ।

खेलको ३६ औं मिनेटमा एडम्सले गोल गर्दै साउथह्याम्पटनलाई सुरुआती अग्रता दिलाएका थिए ।

त्यसपछि खेलको ८८ औं मिनेटमा रोमेउले गोल गर्दै टोलीलाई २-० को जित दिलाए ।

जितसँगै साउथह्याम्पटनले २६ खेलमा ३५ अंक जोडेको छ ।

साउथह्याम्पटन लिगको नवौं स्थानमा रहेको छ ।

नर्विच १७ अंक जोडेर पुछारमा रहेको छ ।