लिग निर्देशक मिश्रको राजीनामा फिर्ता

काठमाडौं । अखिल नेपाल फुटबल संघ (एन्फा) को प्रतियोगिता तथा लिग निर्देशक सन्जिब मिश्रले  राजीनामा फिर्ता लिएका छन् ।

एन्फाका महासचिव इन्द्रमान तुलाधरले लिग निर्देशक मिश्रले राजीनामा फिर्ता लिएको बताए ।

'हामीले उहाँसँग छलफल गरेका थियौं । आज उहाँले राजीनामा फिर्ता लिनु भएको छ,' तुलाधरले भने ।

लिग निर्देशक मिश्रले बिहीबार व्यक्तिगत कारण देखाएर राजीनामा दिएका थिए ।

एन्फा अध्यक्ष कर्मा छिरिङ शेर्पालाई सम्बोधन गरिएको राजीनामा पत्रमा व्यक्तिगत कारण देखाईएको थियो ।

तर, एन्फासँगको छलफलपछि उनले राजीनामा फिर्ता लिएका हुन् ।

एन्फाले २०७५ को असार २९ गते मिश्रलाई लिग निर्देशकमा नियुक्त गरेको थियो ।