च्याम्पियन्स लिगको फाइनल पेरिसमा हुने 

काठमाडौं । यूईएफए च्याम्पियन्स लिग फुटबलको फाइनल खेल फ्रान्सको पेरिसमा आयोजना हुने भएको छ । 

युक्रेन र रुसबीचको द्वन्द्वको कारण च्याम्पियन्स लिगको फाइनल खेल पेरिसमा सारिएको हो ।

यस अघि च्याम्पियन्स लिगको फाइनल मे २८ मा रुसको सेन्ट पिटर्सवर्गमा  हुने तालिका रहेको थियो ।

तर, रुस र युक्रेनबीच युद्द सुरु भएपछि खेल स्थल सारिएको हो । 

युरोपियन फुटबलको सर्वोच्च निकाय यूईएफएले शुक्रबार रूसमा फाइनल नहुने पुष्टि गरेको छ ।