लिग निर्देशक मिश्रद्वारा राजीनामा

काठमाडौं । अखिल नेपाल फुटबल संघ (एन्फा) को प्रतियोगिता तथा लिग निर्देशक सन्जिब मिश्रले पदबाट राजीनामा दिएका छन् ।

लिग निर्देशक मिश्रले बिहीबार व्यक्तिगत कारण देखाएर राजीनामा दिएका हुन् ।

एन्फा अध्यक्ष कर्मा छिरिङ शेर्पालाई सम्बोधन गरिएको राजीनामा पत्रमा व्यक्तिगत कारण देखाईएको छ ।

मिश्रले एन्फाका महासचिव इन्द्रमान तुलाधरलाई राजीनामा पत्र बुझाएका हुन्।

सहिद स्मारक ए डिभिजन लिग सकिनै लाग्दा मिश्रको राजीनामा आएको हो ।

एन्फाले २०७५ को असार २९ गते मिश्रलाई लिग निर्देशकमा नियुक्त गरेको थियो ।