रोहित आबद्द पर्सिजा बराबरीमा रोकियो

काठमाडौं । नेपाली राष्ट्रिय टिमका सदस्य रोहित चन्द सम्मिलित पर्सिजा जकार्ता ईन्डोनेसियाको लिग वान फुटबलमा बराबरीमा रोकिएको छ ।

बुधबार राति भएको खेलमा पर्सिजाले बारिटो पुटेरासँग १-१ गोलको बराबरी खेलेको हो ।

पर्सिजाका लागि इरफान जाउहरीले सुरुवाती गोल गरेका थिए ​।

तर, बारिटोका ब्रुनोले बराबरी गोल फर्काए ।

बारिटोविरुद्ध रोहितले पुरै समय मैदानमा बिताएका थिए ।  

यस बराबरीसँगै पर्सिजाले २६ खेलमा ३८ अंक जोडेको छ । पर्सिजा लिगको सातौं स्थानमा रहेको छ ।

बारिटो २६ अंक जोडेर १५ औं स्थानमा रहेको छ ।