काठमाडौं । कतार एयरवेज सहिद स्मारक 'ए' डिभिजन लिग फुटबलको १३ औं अर्थात् अन्तिम चरणको खेलहरु भोलि बिहीबारबाट सुरु हुँदैछ ।
बिहीबार १३ औं चरणका दुई खेलहरु हुनेछन्।
त्रिपुरेश्वरस्थित दशरथ रंगशालामा हुने खेलमा हिमालयन शेर्पा क्लब र फ्रेन्ड्स क्लबबीच प्रतिस्पर्धा हुनेछ ।
यस्तै एन्फा कम्प्लेक्समा हुने खेलमा च्यासल युथ क्लब र सातदोबाटो युथ क्लबबीच प्रतिस्पर्धा हुनेछ ।
लिगको १३ औं चरणको पूर्वसन्ध्यामा आयोजित प्रि म्याच कन्फरेन्समा क्लबका प्रशिक्षकहरु के भन्छन् ?
मृगेन्द्र मिश्र : मुख्य प्रशिक्षक (फ्रेन्ड्स क्लब)
लिगको पहिलो सातदोबाटोविरुद्धको खेलमा हामीले राम्रै खेलेका थियौं । लिगको बीचमा हाम्रो प्रदर्शन खस्किएको थियो । खेलाडीको प्रदर्शन अनुसार राम्रो गरेका थियौ । हाम्रो लक्ष्य लिग जित्नु थिएन तर ए डिभिजनमै रहनु थियो । अन्तिममा गएर हामीमाथि दवाव बढ्दै गएको थियो तर हामीले हिम्मत हारेनौं।
युगल किशोर राई : मुख्य प्रशिक्षक (हिमालयन शेर्पा क्लब)
भोली हाम्रो लिगको अन्तिम खेल हाम्रो लागि आउदो सिजनका लागि मोटिभेट गर्ने खालको हुनेछ । साथै लिगको टेबलमा पनि सुधार हुने अपेक्षा छ । हामीले एकै प्रकारको खेल खेल्न सकेका छैनौ आगामी सिजनका लागि अध्ययन गर्ने छौ । भोलीको खेल हामी राम्रो खेल्ने प्रयास गर्नेछौ ।
प्रवेश कटवाल : मुख्य प्रशिक्षक (मछिन्द्र फुटबल क्लब)
हाम्रो टिममा ठूला नाम गरेका खेलाडीहरु थिए । हेभी टिम थियो र प्रेसर पनि थियो । टिम हेन्डलमा राम्रो भएन भने नतिजा नआउन सक्थ्यो । तर, प्रशिक्षक र खेलाडी सबैको संयोजनको नतिजा आएको छ । समग्रमा रेलिगेसन र लिग च्याम्पियन हुने सबै टिमको प्रदर्शन भयो । युवा प्रशिक्षकहरु आउनु भएको छ । जसको टेक्निकल कुराहरुले धेरै प्रतिस्पर्धा भएको जस्तो लाग्छ । यो लिगमा सबै कुरामा प्रतिस्पर्धा भयो ।
रत्न काजी महर्जन : प्रशिक्षक (एपीएफ)
यो लिगमा हाम्रो धेरै नै उतारचढाव रह्यो । सुरुको तीन वटा खेल हर्न पुग्यौं । त्यो हार्दा टिमको मोटिभेसन तल झर्यो । त्यसपछि टिममा भएका कमीकमजोरीलाई सुधार गरेर नयाँ खेलाडी ल्याएउ । त्यसपछि हामीले सुधार गर्दै गयौं र नतिजा अहिलेको छ ।
उर्जन श्रेष्ठ : मुख्य प्रशिक्षक (थ्री स्टार क्लब)
हामीले शीर्षमै रहने योजना गरेर टिम बनाएको हो । तर, सुरुमै गल्ति भन्यो । एउटा विदेशी स्ट्राइकर राखेर टिम बनायौं । सुरुमा उसलाई ल्याउन सकेनौं । सुरुको खेल बिग्रेको कारणले हामीलाई पछिसम्म असर गर्यो । यो पटक शीर्ष चार अलि गार्हो छ ।
किशोर केसी : मुख्य प्रशिक्षक (जाउलाखेल युथ क्लब)
हामीले सुरुमा खेलेको खेल तथा मछिन्द्रविरुद्ध खेल्दा आफूमा घमण्ड लागेको देखेको छु । यदि सुरुको खेलमा एक अंकलाई हिसाब गरेको भए अहिले सफल हुन्थे । कतिपय टोलीविरुद्ध अन्तिम समयमा गोल खाएर अक गुमाउनु परेको छ । कतिपय टिमविरुद्ध राम्रो खेल्न सकेनौ । टोलीलाई चौथों स्थानसम्म पुर्याउने लक्ष्य पुरा भएन । संकटालाई जितेर संकटा भन्दा माथि सातौं स्थानसम्म पुग्ने लक्ष्य छ ।
