अफ्रीका कप विजेता टोलीलाई भव्य स्वागत

काठमाडौं । अफ्रीका कप अफ नेसन्स फुटबलको उपाधि जितेर स्वदेश फर्किएका सेनेगलका टोलीलाई भव्य स्वागत गरिएको छ ।

सेनेगलको टोलीलाई स्वगत गर्न हजारौ समर्थक विमानस्थल पुगेका थिए ।

आइतबार राति भएको फाइनलमा इजिप्टलाई पेनाल्टी सुटआउटमा हराउँदै सेनेगल च्याम्पियन बनेको हो ।

निर्धारित ९० मिनेट र अतिरिक्त समय गोलरहित बराबरीमा सकिएपछि खेल पेनाल्टी सुटआउटमा गएको थियो । पेनाल्टीमा सेनेगल ४-२ ले विजयी भएको थियो ।

सेनेगलले पहिलो पटक अफ्रीका कप अफ नेसन्सको उपाधि जितेको हो ।