गेटाफेको सहज जित  

काठमाडौं । स्पेनिस ला लिगा फुटबलमा गेटाफेले सहज जित निकालेको छ ।

शुक्रबार राति भएको खेलमा गेटाफेले लेभान्टेलाई ३-० गोल अन्तरले हराएको हो ।

घरेलु मैदानमा खेलको पहिलो मिनेटमै इनेस उनलको गोलबाट गेटाफेले सुरुआती अग्रता बनाएको थियो ।

खेलको २९ औं मिनेटमा उनलले व्यक्तिगत दोस्रो गोल गर्दै टोलीलाई गेटाफेलाई २-० को अग्रता दिलाए ।

त्यसपछि खेलको इन्जुरी समयमा कार्लेस अलेनाले गोल गर्दै गेटाफेलाई ३-० को जित दिलाए ।

यस जितसँगै गेटाफे २३ खेलमा २५ अंक जोडेर १४ औं स्थानमा रहेको छ ।

लेभान्टे ११ अंक जोडेर पुछारमा रहेको छ ।