नेपाल र मरिससबीचको खेलमा दर्शकलाई प्रवेश दिइने

काठमाडौं । नेपाल र अफ्रिकी राष्ट्र मरिससबीचको खेलमा दर्शकलाई प्रवेश दिइने  भएको छ ।

अखिल नेपाल फुटबल संघ (एन्फा) ले मंगलबार दर्शकलाई प्रवेश दिइने जनाएको छ ।

सरकारले जारी गरेको स्वास्थ्य प्रोटोकलको पालना गर्दै एक तिहाइ दर्शकलाई मात्र अनुमति दिइने एन्फाले जनाएको छ ।

नेपालले दशरथ रंगशालामा मरिसससँग दुई मैत्रीपूर्ण खेल खेल्नेछ ।

दुई खेलको मैत्रीपूर्ण  जनवरी २९ र फेब्रुअरी १ मा हुनेछ ।

एन्फाले सामान्यतर्फ ५ सय र भीआईपीतर्फ १ हजारको टिकट दर राखेको छ ।

दुबै मैत्रीपूर्ण खेल ४:४५ बजे सुरु हुनेछ ।

मरिससको टोली सोमबार नै नेपाल आईसकेको छ ।