चेल्सीको सहज जित

काठमाडौं । इंग्लिस प्रिमियर लिग फुटबलमा चेल्सीले सहज जित निकालेको छ ।

आइतबार राति भएको खेलमा चेल्सीले टोटेनहमलाई २-० गोल अन्तरले हराएको हो ।

घरेलु मैदानमा चेल्सीलाई जित दिलाउन हाकिम जिएच र थियागो सिल्भाले एक एक गोल गरे ।

तर, टोटेनहमविरुद्ध गोल गर्न चेल्सीले दोस्रो हाफसम्म कुर्नु परेको थियो ।

खेलको ४७ औं मिनेटमा जिएचले गोल गर्दै चेल्सीलाई सुरुआती अग्रता दिलाएका थिए ।

त्यसपछि खेलको ५५ औं मिनेटमा सिल्भाले गोल गर्दै चेल्सीलाई २-० को जित दिलाए ।

यस जितसँगै चेल्सीले २४ खेलमा ४७ अंक जोडेको छ ।

चेल्सी तेस्रो स्थानमा रहेको छ ।

टोटेनहम ३६ अंक जोडेर सातौं स्थानमा रहेको छ ।