१२ खेलाडीमा कोभिड, भारत बाहिरियो

काठमाडौं । आयोजक भारत एएफसी महिला एसिया कप फुटबलबाट बाहिरिएको छ।

भारतका १२ खेलाडीमा कोभिड-१९ को संक्रमण भएपछि आयोजक प्रतियोगिताबाट बाहिरिएको हो ।

भारतले आइतबार समूह चरणको खेलमा चाईनिज ताइपेविरुद्ध खेल्ने तालिका रहेको थियो ।

तर, भारतले १३ खेलाडी जुटाउन नसकेपछि खेल रद्द गरिएको थियो ।

एएफसीको नियम अनुसार कोभिडको महामारीको समयमा कम्तिमा १३ खेलाडी टिममा उपलब्ध हुनु पर्छ । तर, कोभिड संक्रमणको कारण भारतले खेलाडी उपलब्ध गराउन नसकेको हो ।

भारत समूह ए मा रहेको थियो ।

प्रतियोगिता अन्तर्गत बाँकी खेलहरु भने पूर्व निर्धारित तालिका अनुसार नै हुनेछ।