प्रशिक्षक रानिएरी बर्खास्त गर्दै वाट्फोर्ड

काठमाडौं । इंग्लिस प्रिमियर लिग क्लब वाट्फोर्डले मुख्य प्रशिक्षक क्लाउडियो रानिएरीलाई बर्खास्त गर्ने तयारी गरेको छ।

प्रिमियर लिगमा खराब लय कायम रहेपछि वाट्फोर्डले मुख्य प्रशिक्षक रानिएरीलाई बर्खास्त गर्ने तयारी गरेको डेलीमेलले जनाएको छ ।

रानिएरीको नेतृत्वमा वाट्फोर्डले १४ खेलमा मात्र २ जित निकालेको छ ।

शुक्रबार भएको कलम वाट्फोर्ड नर्विचसँग ३-० ले पराजित भएको थियो ।

वाट्फोर्ड यस सिजन १४ अंक जोडेर रेलिगेसन क्षेत्रमा रहेको छ ।

वाट्फोर्डले मुख्य प्रशिक्षक सिस्को मुनोजलाई बर्खास्त गर्दै रानिएरीलाई टिम हेर्ने जिम्मेवारी दिएको थियो ।

तर, इटालियन प्रशिक्षक रानिएरीले पद गुमाउने भएका छन् ।

६९ वर्षीय रानिएरीले लेस्टर सिटीलाई सन् २०१५/१६ को सिजन प्रिमियर लिगको उपाधि दिलाएका थिए ।