के कोउटिन्होको सपना पूरा हुनेछ त ?

काठमाडौं ।  सन् २०१८ को जनवरीमा फिलिपे कोउटिन्होले लिभरपुल छाडेर बार्सिलोनासँग अनुबन्ध गर्दा त्यो यात्रालाई भनेका थिए, सपना जस्तो ।

तर त्यसपछिको चार वर्ष उनका लागि त्यो सपना खालि ‘डरलाग्दो सपना’ मात्र भएको छ । नेयमारको स्थान लिन उनलाई बार्सिलोनाले अनुबन्ध गरेको थियो ।

अनि उनको काम लियोनल मेस्सी सहयोग गर्नु थियो । तर बार्सिलोनामा उनी पटक्कै जम्न सकेनन् ।

शुक्रबार उनी ठ्याक्कै चार वर्षको अन्तरालमा इंग्ल्यान्ड फर्के । सन् २०२१–२०२२ को सिजनका लागि अब उनले एस्टन भिल्लाका लागि खेल्नेछन् र अहिले उनको अनुबन्ध भनेको ऋणमा मात्र हो ।

प्रश्न त्यही हो, के यी २९ वर्षीय खेलाडीले कम्तीमा अब भिल्लाका लागि आफ्नो सपना पूरा गर्नेछन् त ? के भिल्लाका लागि खेलेर उनले आफ्नो छिन्नभिन्न खेल करियरलाई उकास्ने छन् त ?

विश्वास गरौं, यस्तै हुनेछ, किनभने उनी विश्वस्तरीय खेलाडी हुन्, कुनै समय उनले लिभरपुलका लागि यस्तै अब्बल दर्जाको फुटबल खेलेका थिए ।

अहिले फेरि भिल्लाका व्यवस्थापक स्टेफन जेरार्ड उनकै साथी हुन् । दुवैले लिभरपुलमा सँगसँगै खेलेका थिए । अहिले भूमिका फेरिएको छ र जेरार्ड पनि मान्छन्, कोउटिन्हो विश्वस्तरीय खेलाडी हुन् ।

खासमा जेरार्डकै जिद्दीले कोउटिन्हो भिल्ला पुगेका हुन् । भिल्लातिर पनि खासै केही गर्न सकिएन भने त उनलाई गाह्रै हुन्छ, भविष्यमा । 

बीबीसीको सहयोगमा ।