एपीएफमाथि जावलाखेलले जित्ने आधार

काठमाडौं ।   सुरुमा यी दुवै टिम रेलिगेसनको चर्को दबाबमा रहे । अहिले दुवै केही हदसम्म यो दबाबबाट मुक्त भएका छन् । तर दुवैलाई केही आराम लिने अवसर पनि छैन् ।

सहिद स्मारक लिग ए डिभिजन ०७८ मा तिनै एपीएफ र जावलाखेल भिड्ने छन् ।

दशरथ रंगशालामा हुने खेलमा एपीएफमाथि जावलाखेलले जित निकाल्न सक्ने आधार भने छन् ।

यी दुई टिमबीच लिगका पाँच संस्करणलाई आधार मान्ने हो भने जावलाखेल बलियो देखिन्छ ।

यी पाँच संस्करणका पाँच खेलमा जावलाखेल चारमा विजयी रहेको छ भने एकको नतिजा मात्र एपीएफको पक्षमा गएको छ ।

वर्ष ०७६ र ०७५ मा जावलाखेलले लगातार १–० को नतिजा निकालेको छ ।

त्यसमध्ये वर्ष ०७६ मा फोडे फोफाना र वर्ष ०७५ मा ओला लेकन अफिजले गोल गरे । वर्ष ०७० को लिगमा भने एपीएफले जावलाखेललाई ३–१ ले हराएको थियो ।

तर त्यस अगाडिका दुई संस्करणमध्ये जावलाखेल वर्ष ०६९ र ०६८ मा समान ३–० विजयी रहेको छ ।  

अहिले तत्काल एपीएफ सात खेलबाट छ अंक जोडेर दसौं स्थानमा छ । जावलाखेल भने सात खेलबाट सात अंकसहित नवौं स्थानमा छ ।