काठमाडौं । दुई विपरित दिशा लिइरहेका टिमबीच सहिद स्मारक लिग ए डिभिजन ०७८ मा शुक्रबार भेट हुनेछ र ती हुन्, संकटा र सातदोबाटो ।
सातदोबाटो सात खेलबाट १३ अंकसहित तेस्रो स्थानमा छ । संकटा अहिलेसम्म अपराजित छ र एक प्रकारले लयमा देखिन्छ । सबैभन्दा ठूलो संकटाले पछिल्ला चार खेलमा कुनै गोल खाएको छैन् ।
सातदोबाटो आठ अंकमा आठौं स्थानमा छ र उसले भने एक प्रकारले लय गुमाएको छ । सातदोबाटोले पछिल्ला दुई खेल लगातार गुमाएको छ ।
सुरुआती तीन खेलमा सात अंक जोडेर आकर्षक सुरुआत लिएका सातदोबाटोले त्यसपछि त्यस्तै प्रदर्शन गर्न सकेको छैन् र पछिल्ला चार खेलबाट खालि एक अंक मात्र बटुलेको छ ।
पछिल्ला दुई हारमा उसले गोल पनि गर्न सकेको छैन् । यस्तोमा लिग इतिहासमै पहिलो पल्ट संकटाले सातदोबाटोको सामना गर्दा उससामु अवसर हुनेछ र यो अवसर उपाधि होडमा आफूलाई कायम राख्ने हो ।
सातदोबाटोका लागि भने सम्हालेर खेल्न आवश्यक भइसकेको छ, किनभने उसमाथि पनि अब रेलिगेसनको डर तयार हुन सक्छ ।
