हारबाट जोगियो युभेन्ट्स

काठमाडौं ।   इटालियन सिरी ए फुटबलमा युभेन्ट्स बराबरीमा रोकिएको छ ।

बिहीबार राति भएको खेलमा युभेन्ट्सले नापोलीसँग १-१ गोलको बराबरी खेलेको हो ।

घरेलु मैदानमा फेडेरिको चिसाले गोल गरेपछि युभेन्ट्स हारबाट जोगिएको हो ।

उनले खेलको ५४ औं मिनेटमा गोल गरेका थिए ।

त्यसअघि २३ औं मिनेटमा मेर्टेन्सले गोल गर्दै नापोलीलाई सुरुआती अग्रता दिलाएका थिए ।

यस बराबरीसँगै युभेन्ट्सले २० खेलमा ३५ अंक जोडेको छ ।

युभेन्ट्स लिगको पाँचौं स्थानमा रहेको छ ।

नापोली ४० अंक जोडेर तेस्रो स्थानमा रहेको छ ।