इलाम । इलाम जिल्ला ए डिभिजन लिग फुटबल अन्तर्गत क्लब ओसिस र माईभ्याली फुटबल क्लबले जित निकालेका छन् ।
लिग अन्तर्गत दोश्रो चरणको पहिलो खेलमा क्लब ओसिसले हेल्लो जसबीरेलाई २–० गोल अन्तरले पराजित गरेको छ । ओसिसको जितमा खेलको दोश्रो र ३२ औ मिनेटमा सुरज दाहालले गोल गरे ।
त्यसैगरी दोश्रो खेलमा रेडहर्ष इलाम र देउराली स्पोर्टिङ क्लब सन्दकपुरले गोलरहित बराबरी खेले ।
अन्तिम खेलमा माईभ्याली फुटबल क्लबले त्रिवेणी युथ क्लब मंगलबारेलाई १–० ले पराजित गर्न सफल रहयो । माईभ्यालीलाई महत्वपुर्ण ३ अंक दिलाउन खेलको ३२ औ मिनेटमा अंकित दासले निर्णायक गोल गरे ।
दोश्रो चरणको खेल सम्पन्न भएसंगै क्लब ओसिस शीर्ष स्थानमा रहेको छ । देउराली क्लब ४ अंकको दोश्रो स्थानमा रहेको छ । समान अंक भएपनि गोल अन्तरको आधारमा माईभ्याली फुटबल क्लब तेश्रो स्थानमा रहेको छ ।
दुवै खेल बराबरी खेलेको रेडहर्ष २ अंकको साथ चौथो स्थानमा छ । जसबीरे, त्रिवेणी र हेलिबोथले अंक बटुल्न सकेका छैनन् ।
प्रतियोगिताको तेश्रो चरणको पहिलो खेलमा जसबीरेले त्रिवेणी युथ क्लब, हेलिबोथले माईभ्याली फुटबल क्लब र क्लब ओसिसले देउराली क्लबको सामना गर्दैछ ।
