डिफेन्डर ट्रिपियर न्युकासलमा

काठमाडौं । प्रिमियर लिग क्लब न्युकासल युनाईटेडले एट्लेटिको मड्रिडका डिफेन्डर  किइरन ट्रिपियर अनुबन्ध गर्ने पक्का भएको छ ।

न्युकासल डिफेन्डर ट्रिपियरलाई अनुबन्धका लागि १२ मिलियन पाउण्ड तिर्न राजी भएको छ । 

साउदी अरेबियाको लगानीपछि न्युकासलले पहिलो खेलाडीको रुपमा ट्रिपियर अनुबन्ध गर्न लागेको हो ।

३१ वर्षीय डिफेन्डरको बुधबार मेडिकल हुने बताईएको छ ।

ट्रिपियर सन् २०१९ मा टोटेनहमबाट एट्लेटिको आएका थिए ।

उनले एट्लेटिकोका लागि ८३ खेल खेलेका छन् । उनले गत सिजन ला लिगाको उपाधि जितेका थिए ।

 ट्रिपियर युरोको फाइनल पुगेको इंग्ल्यान्डको टिममा रहेका थिए ।