‘ए’ डिभिजन लिग :  सातदोबाटो र शेर्पा भिड्दै

काठमाडौं । सहिद स्मारक ‘ए’ डिभिजन लिग फुटबल अन्तर्गत आज सोमबार एक खेल हुँदैछ ।

लिग अन्तर्गत आज सातौं चरणको अन्तिम एक खेल हुन लागेको हो ।

त्रिपुरेश्वरस्थित दशरथ रंगशालामा हुने एक मात्र खेलमा सातदोबाटो युथ क्लब र हिमालयन शेर्पा क्लबबीच खेल हुनेछ ।

सातदोबाटो र शेर्पाबीचको खेल दिउँसो १ बजे सुरु हुनेछ ।

नवप्रवेशी क्लब सातदोबाटो आज तेस्रो जितको खोजीमा रहेको छ । सातदोबाटो ६ खेलमा ८ जोडेर सातौं स्थानमा रहेको छ ।

शेर्पालाई हराएर सातदोबाटो शीर्ष पाँचमा उक्लन चाहन्छ ।

शेर्पा पनि तेस्रो जितको खोजीमा रहेको छ । शेर्पा ८ अंक जोडेर आठौं स्थानमा रहेको छ ।

सातदोबाटोलाई हराएर शेर्पा पनि शीर्ष पाँचमा उक्लने योजनामा रहेको छ ।

लिगमा १४ टोलीले प्रतिस्पर्धा गरिरहेका छन् । पुछारका दुई टोली रेलिगेसनमा पर्नेछ।