रियल गेटाफेसँग पराजित

काठमाडौं । स्पेनिस ला लिगा फुटबलमा शीर्ष स्थानको रियल मड्रिड पराजित भएको छ ।

आइतबार भएको खेलमा रियल गेटाफेसँग १-० गोल अन्तरले पराजित भएको हो ।

गेटाफेलाई जित दिलाउन एनेस उनलले निर्णायक गोल गरे । उनले खेलको नवौं मिनेटमा गोल गरेका हुन् ।

गेटाफेसँग पराजित भएपनि रियल शीर्ष स्थानमा यथावत रहेको छ ।

रियलले २० खेलमा ४६ अंक जोडेको छ ।

गेटाफे १६ अंक जोडेर १९ औं स्थानमा रहेको छ ।