फ्रेन्ड्समाथि एनआरटीको जित

काठमाडौं । सहिद स्मारक ‘ए’ डिभिजन लिग फुटबलमा न्युरोड टिम एनआरटीले सहज जित निकालेको छ ।

शुक्रबार भएको खेलमा एनआरटीले फ्रेन्ड्स क्लबलाई ३-२ गोल अन्तरले हराएको हो।

एनआरटीलाई जित दिलाउन मेसुके ओलुमोउले दुई गोल गरे । यस्तै स्टेभेन समिरले एक गोल थपे ।

फ्रेन्ड्सका जमोउल एन्थोनी र नाथनियल गार्सियाले एक एक गोल फर्काए  । 

खेलको पाँचौ मिनेटमा स्टेफनले गोल गर्दै एनआरटीलाई अग्रता दिलाएका थिए ।

२० औं मिनेटमा मेसुकेले गोल गर्दै एनआरटीको अग्रता २-० को बनाए ।

खेलको ८१ औं मिनेटमा एन्थोनीले गोल गर्दै फ्रेन्ड्सलाई २-१ को स्थितिमा ल्याए ।

खेलको इन्जुरी समयको चौंथो मिनेटमा मेसुकेले व्यक्तिगत दोस्रो गोल गर्दै एनआरटीलाई ३-१ को अग्रता दिलाए ।

त्यसपछि खेलको इन्जुरी समयको छैटौं मिनेटमा फ्रेन्ड्सका गार्सियाले गोल गरेपनि एनआरटी ३-२ ले विजयी भयो ।  

जितसँगै एनआरटीले ७ खेलमा १० अंक जोडेको छ । एनआरटी पाँचौ स्थानमा उक्लिएको छ ।

फ्रेन्ड्सले ७ खेलमा ३ अंक जोडेको छ ।  

फ्रेन्ड्स पुछारमा रहेको छ । यस हारले फ्रेन्ड्समाथि रेलिगेसन दबाब बढेको छ ।

फ्रेन्ड्स जारी लिगमा जित निकाल्न नसक्ने एक्लो टिम हो।