काठमाडौं । इंग्लिस प्रिमियर लिग क्लब एस्टन भिल्लाका मुख्य प्रशिक्षक स्टेभेन जेरार्डलाई कोभिड-१९ को संक्रमण देखिएको छ ।
एस्टनले एक विज्ञप्ति निकाल्दै जेरार्डलाई कोभिड संक्रमण देखिएको जनाएको छ ।
कोभिड-१९ को संक्रमण देखिएपछि जेरार्डले प्रिमियर लिगको दुई खेल गुमाउने भएका छन् ।
एस्टनले आइतबार चेल्सीसँग खेल्दैछ । यस्तै मंगलबार लिड्सको सामना गर्नेछ ।
दुबै खेलमा जेरार्ड उपस्थित हुने छैनन् ।
कोभिड संक्रमण भएपछि ४१ वर्षीय जेरार्ड सेल्फ आईसोलेसनमा बसेका छन् ।
