थ्री स्टारविरुद्ध आर्मी बलियो स्थितिमा

काठमाडौं । घरेलु नेपाली फुटबलमा थ्री स्टार कसरी उल्टो दिशा गइरहेको छ र आर्मीले कसरी आफूलाई बलियो प्रस्तुत गरेको छ, यो एउटा तथ्यांकले प्रस्ट पार्छ ।

दुई टिमबीच माथिल्लो डिभिजनका पछिल्ला पाँच संस्करणमा छ खेल भएका छन् । तर यी सबै खेलमा आर्मी थ्री स्टारविरुद्ध अपराजित छ ।

सहिद स्मारक लिग ए डिभिजन ०७८ मा आइतबार यिनै दुई टिम भिड्ने छन् ।

यी छ खेलमा आर्मी तीनमा विजयी रहेको छ भने बाँकी तीन खेल बराबरीमा टुंगेको छ । वषर्ए ०७६ मा आर्मी २–० ले विजयी रहेको थियो र त्यसमा नवयुग श्रेष्ठ तथा सन्तोष तामाङले गोल गरेका थिए ।

वर्ष ०७५ को खेल १–१ को बराबरीमा रह्यो ।

वर्ष ०७० को खेल पनि १–१ कै बराबरीमा टुंगियो । यस्तै वर्ष ००६९ का दुई खेलमा पहिलो गोलरहित बराबरीमा रह्यो भने दोस्रोमा आर्मी ३–२ ले विजयी रह्यो ।

यस्तै वर्ष ०६८ मा पनि आर्मी २–१ ले विजयी रह्यो । अहिले आर्मी ५ खेलबाट ९ अंक जोडेर तेस्रो स्थानमा छ भने थ्री स्टार ५ खेलबाट नै ६ अंक जोडेर आठौं स्थानमा छ ।