स्वदेश फर्किए यू-१९ महिला टोली

काठमाडौं । बंगलादेशमा आयोजना भएको साफ यू-१९ महिला फुटबल च्याम्पियनसिपमा सहभागिता जनाएको नेपाली महिला टोली शुक्रबार स्वदेश फर्किएका छन् ।

अखिल नेपाल फुटबल संघ (एन्फा) ले यू-१९ टोली  शुक्रबार साँझ  नेपाल आईपुगेको  जनाएको छ ।

च्याम्पियनसिपमा नेपाल तेस्रो भएको थियो । फाइनल पुग्न असफल नेपालले फेयर प्ले अवार्ड पाएको थियो ।

च्याम्पियनसिपको उपाधि भने आयोजक बंगलादेशले जितेको थियो ।

फाइनलमा भारतलाई १-० गोल अन्तरले पराजित गर्दै बंगलादेश च्याम्पियन बनेको हो ।