रामोसलाई रातो कार्ड, पीएसजी रोकियो

काठमाडौं । फ्रेन्च लिग वान फुटबलमा पेरिस सेन्ट जर्मेन (पीएसजी) बराबरीमा रोकिएको छ ।

बुधबार राति भएको खेलमा पीएसजी लोरेन्टसँग १-१ गोलको बराबरीमा रोकिएको हो ।

खेलको इन्जुरी समयमा मौरा इकार्डीले गोल गरेपछि पीएसजी हारबाट जोगिएको हो ।

त्यसअघि खेलको ४० औं मिनेटमा थोमसले गोल गर्दै लोरेन्टलाई अग्रता दिलाएका थिए ।

यस्तै खेलको ८६ औं मिनेटमा सर्जियो रामोसले रातो कार्ड पाएपछि पीएसजी १० खेलाडीमा समेटिएको थियो ।

यस बराबरीसँगै पीएसजीले १९ खेलमा ४६ अंक जोडेको छ ।

पीएसजी दोस्रो स्थानको निश भन्दा १३ अंकले अघि रहेको छ ।

लोरेन्ट १६ अंक जोडेर १९ औं स्थानमा रहेको छ ।