अबमयाङ छैनन्, आर्सनललाई केही फरक छैन

काठमाडौं । के एक अनुशासनहीन खेलाडीले टिमकै लय बिगार्न सक्छ र ? यसको उत्तर हो, सक्छ ।  

पिएरे इमरिक अबमयाङको उदाहरण पेस गर्दै कम्तीमा यस्तो भन्न सकिन्छ, भलै यस्तो दाबी गर्नु केही हतारो पनि हुन सक्छ ।

खासमा यी खेलाडी कारबाहीमा के परे, आर्सनलको खेल झन झन राम्रो हुन थालेको छ ।

आर्सनलले भर्खरै सन्डरल्यान्डलाई हराएर इंग्लिस लिग कपको सेमिफाइनल प्रवेश गरेको छ । लिगमा कुनै प्रकारको सम्भावना नरहेपछि आर्सनल कप प्रतियोगितामा गम्भीर देखिएको छ र कप उपाधि उचाल्न चाहन्छ ।

यसैक्रममा अबमयाङ विना नै आर्सनल सजिलै सेमिफाइनल पुगेको छ ।

र, यसैक्रममा प्रस्ट भएको छ, अबमयाङ छैनन्, तर आर्सनललाई केही फरक परेको छैन् । अहिले आर्सनलले जसरी खेलिरहेको छ, त्यो हेर्दा अब अबमयाङलाई टिममा नराख्ने प्रशिक्षक मिखेल आर्टेटाको निर्णय सही पनि देखिएको छ । आखिरमा उनी नै यी खेलाडीलाई हटाउनु पर्छ भनेर जिद्दी कसेका थिए ।

अबमयाङले दोहराएर फेरि आर्सनलका लागि खेल्ने सम्भावना छ कि छैन् होला त ? यसको उत्तर पनि खालि आर्टेटासँग मात्र छ ।

टिमले लगातार राम्रो खेलिरहेका बेला आर्टेटाले पनि अबमयाङबारे कमै सोचेका होलान् । प्रिमियर लिगमा पनि आर्सनल अहिले चौथो स्थानमा रहेको छ र यसमै टिक्न चाहन्छ ।

–मिररको सहयोगमा ।