युनाइटेडका खेलाडीमा कोरोना देखियो 

काठमाडौं । इग्लीस प्रिमियर लिग अन्तर्गत ब्रेनफोर्डविरुद्धको खेल अघि म्यानचेस्टर युनाईटेडका खेलाडी र पदाधिकारीमा कोभिड–१९ पोजेटिभ देखिएको छ । 

सनिबार भएको नर्विचविरुद्धको खेल अघि खेलाडीहरुमा नेगेटिभ रिजल्ट देखाएको थियो । 

तर आईतबारको अभ्यास अघि कैयौ खेलाडीहरुमा पोजेटिभ देखाएको थियो ।

युनाईटेड र ब्रेनफोर्डबीच मंगलबार खेल हुने तालिका रहेको छ । 

क्लबले यसबारे प्रिमियर लिगलाई जानकारी गराएको छ र मंगलबारको सो खेल हुने वा नहुने भने आशंका उत्पन्न भएको छ । 

कोभिड पोजेटिभ देखिएकाहरुलाई अभ्यास अघि घर पठाइएको थियो । 

तर अन्य खेलाडीहरु अभ्यासमा सहभागी भएका थिए । 

आईतबार नै एस्टन भिल्लाका एक खेलाडीमा कोभिड पोजेटिभ देखिएको थियो ।