काठमाडौं । फ्रेन्च लिग वान फुटबलमा पेरिस सेन्ट जर्मेन (पीएसजी) ले जित निकालेको छ ।
आइतबार राति भएको खेलमा पीएसजीले मोनाकोलाई २-० गोल अन्तरले हराएको हो ।
पीएसजीको जितमा केलियन एमबाप्पेले दुई गोल गरे ।
खेलको १२ औं मिनेटमा एमबाप्पेले पेनाल्टीमा गोल गर्दै पीएसजीलाई सुरुआती अग्रता दिलाएका थिए।
त्यसपछि खेलको पहिलो हाफको इन्जुरी समयमा एमबाप्पेले व्यक्तिगत दोस्रो गोल गर्दै पीएसजीलाई २-० को जित दिलाए।
यस जितसँगै पीएसजीले १८ खेलमा ४५ अंक जोडेको छ ।
पीएसजी शीर्ष स्थानमा रहेको छ ।
मोनाको २६ अंक जोडेर आठौं स्थानमा रहेको छ ।
