मड्रिड डर्बी आज राती  

काठमाडौं । स्पेनिस ला लिगा अन्तर्गत आईतबार राती रियल मड्रिड र एटलेटिको मड्रिडबीच खेल हुदैछ । 

मड्रिड डर्बीको यो खेल दुबै टिमका लागि महत्वपूर्ण छ । 

शीर्ष स्थानको रियलले एटलेटिकोलाई पराजित गर्दै दोस्रो स्थानको सेभिल्लासँगको दूरी बढाउने योजनामा रहेको छ । 

अर्कोतर्फ एटलेटिकोले भने रियलमाथि जित निकाल्दै उसँगको अंक दूरी घटाउने पक्षमा रहेको छ । 

लिग अन्तर्गत रियलले पछिल्ला पाँचमध्ये पाँचै खेल जितेको छ र उसले १६ खेलमा ३९ अंक जोडेको छ । 

दोस्रो स्थानको सेभिल्लाको ३४ अंक छ । तेस्रो स्थानको रियल बेटिसको ३० अंक छ । 

यता चौथो स्थानमा रहेको एटलेटिकोको १५ खेलमा २९ अंक रहेको छ र उसले पछिल्ला पाँचमध्ये तीन खेलमा मात्र जित हात पार्न सकेको छ । 

आईतबार राती नै रायो भोलेकानोले भिल्लारियल, ओसासुनाले बार्सिलोना तथा रियल बेटिसले रियल सोसाइडाडको सामना गर्नेछ ।