हारबाट जोगियो मिलान  

काठमाडौं । इटालियन सिरी ए फुटबलमा एसी मिलानले उडीनेजेसँग बराबरी खेलेको छ ।

शनिबार राति भएको खेलमा मिलानले उडीनेजेसँग १-१ गोलको बराबरी खेलेको हो।

उडीनेजेको मैदानमा ज्लाटन इब्राहिमोविचले गोल गर्दै मिलानलाई हारबाट जोगाएका हुन् ।

खेलको १७ औं मिनेटमा बेटोले गोल गर्दै उडीनेजेलाई सुरुआती अग्रता दिलाएका थिए।

तर, खेलको इन्जुरी समयको दोस्रो मिनेटमा इब्राहिमोविचले गोल गर्दै मिलानलाई बराबरीमा ल्याए ।

यस्तै खेलको इन्जुरी समयमा सक्सेसले रातो कार्ड पाएपछि उडीनेजे अन्तिम केहि मिनेट १० खेलाडीमा समेटिएको थियो ।

यस बराबरीसँगै मिलानले १७ खेलमा ३९ अंक जोडेको छ ।

मिलान शीर्ष स्थानमा रहेको छ ।

उडीनेजे १७ अंक जोडेर १५ औं स्थानमा रहेको छ ।