बायर्नको पुनरागमन जित

काठमाडौं । जर्मन बुन्डेसलिगा फुटबलमा बायर्न म्युनिखले जित निकालेको छ ।

शनिबार राति भएको खेलमा बायर्नले मैन्जलाई २-१ गोल अन्तरले हराएको हो ।

घरेलु मैदानमा बायर्नले एक गोलको अग्रता उल्टाएर जित निकालेको हो ।

खेलको २२ औं मिनेटमा करिम ओनिसिवोले गोल गर्दै मैन्जलाई अग्रता दिलाएका थिए ।

तर, खेलको ५३ औं मिनेटमा किंग्सले कोम्यानले गोल गर्दै बायर्नलाई १-१ गोलको बराबरीमा फर्काए ।

त्यसपछि खेलको ७४ औं मिनेटमा जमल मुसिआलाले गोल गर्दै बायर्नलाई २-१ को जित दिलाए ।

जितसँगै बायर्नले १५ खेलमा ३७ अंक जोडेको छ । बायर्न शीर्ष स्थानमा यथावत रहेको छ ।

मैन्जले १५ खेलमा २१ अंक जोडेर आठौं स्थानमा रहेको छ ।

बुन्डेसलिगा अन्तर्गत नै अर्को खेलमा बोरुसिया डर्टमण्डले बोचुमसँग १-१ गोलको बराबरी खेलेको छ ।