ब्रेन्टफोर्डको रोमान्चक जित

काठमाडौं ।  इंग्लिस प्रिमियर लिग फुटबलमा ब्रेन्टफोर्डले रोमान्चक जित निकालेको छ ।

शुक्रबार राति भएको खेलमा ब्रेन्टफोर्डले वाट्फोर्डलाई २-१ गोल अन्तरले हराएको हो ।

घरेलु मैदानमा सुरुआती एक गोलको अग्रता उल्टाएर ब्रेन्टफोर्डले जित निकालेको हो ।

खेलको २४ औं मिनेटमा इमानुएल डेनिसले गोल गर्दै वाट्फोर्डलाई सुरुआती अग्रता दिलाएका थिए ।

खेलको ८४ औं मिनेटमा पोन्तुस जान्सनले गोल गर्दै घरेलु टोलीलाई १-१ गोलको बराबरीमा ल्याए ।

त्यसपछि खेलको इन्जुरी समयको पाँचौ मिनेटमा ब्रायन एमबेउमोले गोल गर्दै ब्रेन्टफोर्डलाई २-० को जित दिलाए ।

यस जितसँगै ब्रेन्टफोर्ड अंक तालिकाको नवौं स्थानमा उक्लिएको छ  ।

ब्रेन्टफोर्डले १६ खेलमा २० अंक जोडेको छ ।

वाट्फोर्ड १३ अंक जोडेर १७ औं स्थानमा रहेको छ ।