'ए' लिग : मंसिर २० गतेको दुई खेल सर्यो  

काठमाडौं । सहिद स्मारक 'ए' डिभिजन लिग अन्तर्गत मंसिर २० गतेका लागि तय दुई खेलको मिति परिवर्तन भएको छ ।

अखिल नेपाल फुटबल संघ (एन्फा) ले बुधबार एक विज्ञप्ति निकाल्दै मंसिर २० गतेको दुई खेल सरेको जनाएको छ । उक्त खेल मंसिर २२ गते हुने एन्फाले जनाएको छ ।

अब हिमालयन शेर्पा क्लब र नेपाल पुलिस क्लब तथा जावलाखेल युथ क्लब र मच्छिन्द्र फुटबल क्लबबीच खेल मंसिर २२ गते हुनेछ ।

एन्फाले दशरथ रंगशालामा अन्य कार्यक्रम रहेकाले मैदान उपलब्ध नहुदा त्यस दिनको खेल सारिएको जनाएको छ  ।  

 तेस्रो चरणको खेल मंसिर १७ गतेबाट सुरु हुनेछ ।

 कुल ९१ खेल हुने लिगमा 'ए' डिभिजनका १४ क्लबले प्रतिस्पर्धा गरिरहेका छन् ।

 यस पटकको लिगको पुछारका दुई टिम रेलिगेसनमा पर्दै 'बी' डिभिजनमा झर्ने छन् ।