काठमाडौं । युरोकप विजेता इटाली र कोपा अमेरिका विजेता अर्जेन्टिनाबीच प्रतिस्पर्धा हुने भएको छ ।
युरो विजेता इटाली र कोपा विजेता अर्जेन्टिनाबीच २०२२ को जुनमा प्रतिस्पर्धा हुने भएको छ ।
दक्षिण अमेरिकी फुटबलको सर्वोच्च निकाय (कन्मेबोल) र युरोपियन फुटबलको सर्वोच्च निकाय (यूईएफए) ले दुई टिमबीचको प्रतिस्पर्धा जुनमा आयोजना हुने जनाएको छ ।
अर्जेन्टिनाका महान खेलाडी डिएगो म्यारोडोनाको सम्झनामा खेल हुने बताईएको छ । तर,प्रतिस्पर्धाको मिति र नाम भने सार्वजनिक गरिएको छैन ।
इटालीले इंग्ल्यान्डलाई हराएर युरो २०२० को उपाधि जितेको थियो । वेम्बलीमा भएको फाइनलमा इटालीले इंग्ल्यान्डलाई पेनाल्टी सुटआउटमा ३-२ ले हराएको थियो ।
ब्राजिलमा भएको कोपा अमेरिकामा अर्जेन्टिनाले घरेलु टोलीलाई हराएर उपाधि जितेको थियो । लियोनल मेस्सीको कप्तानीमा रहेको अर्जेन्टिनाले ब्राजिललाई १-० ले हराएको थियो ।
