नेपाल छाडेका वाटमोर बरोडाको प्रशिक्षक नियुक्त

काठमाडौं । डेभ वाटमोर भारतको बरोडा क्रिकेट एसोसियसनको मुख्य प्रशिक्षकमा नियुक्त भएका छन् ।

गुजरात राज्यको बरोड क्रिकेट एसोसियसनले शुक्रबार नयाँ प्रशिक्षकको रुपमा वाटमोरलाई सार्वजनीक गरेको हो ।

पारिवारिक कारण देखाउँदै वाटमोरले राष्ट्रिय क्रिकेट टिमको मुख्य प्रशिक्षकको जिम्मेवारी छाड्ने बताएका थिए ।

तर उनलाई भारतको प्रान्तिय क्रिकेट एसोसियनसनले मुख्य प्रशिक्षकमा नियुक्त गरेको हो ।

वाटमोर नेपालको झण्डै एक वर्ष मुख्य प्रशिक्षकको रुपमा रहे । नेपाललाई त्रिकोणात्मक एक दिवसीय सिरिज जिताउनुको साथै पछिल्लो ओमान भ्रमणमा समेत राम्रो नतिजा दिएका थिए ।

हाइप्रोफाइलका प्रशिक्षक वाटमोर सरकार र क्यानको कार्यशैलीबाट असन्तुष्ट थिए । भारतबाट राम्रो प्रस्ताव आएपछि उनले नेपाल छाड्ने निर्णय गरेका थिए ।