रोड्रिगेज कतार प्रस्थान

काठमाडौं । इंग्लिस क्लब एभर्टनका मिडफिल्डर हामेस रोड्रिगेज कतारको भ्रमणमा निस्किएका छन् ।

कतारी क्लबमा अनुबन्ध हुने चर्चा चलिरहेको बेला रोड्रिगेज कतारको भ्रमणमा निस्किएका हुन् ।

कोलम्बियाका रोड्रिगेजले कतारी क्लबसँग अनुबन्धबारे छलफल गर्ने बताईएको छ ।

राफायल बेनिटेज मुख्य प्रशिक्षक भएपछि रोड्रिगेजले एभर्टनमा मौका पाएका छैनन् ।

त्यसैले ३० वर्षीय मिडफिल्डर कतारी क्लब जाने योजनामा रहेका छन् ।

रियल मड्रिडका पूर्व मिडफिल्डर रोड्रिगेज गत सिजन एभर्टन आएका थिए ।

उनले गत सिजन २६ खेल खेलेका थिए ।