आईपीएलको बाँकी खेल आजबाट

काठमाडौं । ईन्डियन प्रिमियर लिग क्रिकेट (आईपीएल) टी-ट्वान्टी क्रिकेटको बाँकी खेलहरु आज आइतबारबाट युएईमा सुरु हुँदैछ ।

कोरोना भाईरसको कारण स्थगित आईपीएलको बाँकी खेल युएईमा आजबाट सुरु लागेको हो ।

दुबईमा आज चेन्नई सुपर किङ्स र मुम्बई इन्डियन्सबीच प्रतिस्पर्धा हुनेछ। चेन्नई र मुम्बईबीचको खेल नेपाली समय अनुसार साँझ ७:४५ बजे सुरु हुनेछ।

दुबै टिम जित निकाल्दै प्ले अफ होड कायम राख्न चाहन्छ । यस अघिको भेटमा मुम्बईले चेन्नईलाई ४ विकेटले हराएको थियो ।

चेन्नई ७ खेलमा १० अंक जोडेर लिगको दोस्रो स्थानमा रहेको छ । मुम्बई ७ खेलमा ८ अंक जोडेर चौंथो स्थानमा रहेको छ ।

लिगको शीर्ष स्थानमा दिल्ली क्यापिटल्स रहेको छ । दिल्लीले ८ खेलमा १२ अंक जोडेको छ ।

आईपीएलमा अब ३१ खेलहरु बाँकी रहेको छ । फाइनल खेल अक्टोबर १५ मा हुनेछ ।