काठमाडौं । बागमती प्रदेश खेलकुद परिषदले अखिल नेपाल फुटबल संघ (एन्फा) लाई १ करोड रुपैयाँ दिने भएको छ ।
सहिद स्मारक ए डिभिजन लिग र प्रदेश लिग आयोजनाका लागि बागमतीले एन्फालाई १ करोड दिने भएको हो ।
एन्फाले शुक्रबार बागमती प्रदेशसँग सम्झौता पत्रमा हस्ताक्षर गरेको छ । एन्फा अध्यक्ष कर्माछिरिङ शेर्पा र परिषदका सदस्य सचिव सूर्यलाल भण्डारीले सम्झौता पत्रमा हस्ताक्षर गरे ।
सम्झौता अनुसार ए लिगको हरेक खेलमा जित हासिल गर्ने टिमलाई म्याच मनि स्वरूप ५० हजार प्रदान गरिनेछ । खेल बराबरी भएका आधा आधा बाडिने छ ।
त्यस्तै लिगको उदयमान खेलाडीलाई १ लाख प्रदान गरिनेछ ।
ए डिभिजन लिग कात्तिक २९ बाट सुरु हुनेछ ।
एन्फाले बागमती प्रदेश लिगका लागि पनि परिषदले ५० लाख रुपैयाँ उपलब्ध गराउने जनाएको छ।
