लेभी र विलियम्सले पोखराबाट ईपीएल खेल्ने

काठमाडौं । दक्षिण अफ्रीकाका रिचार्ड लेभी र वेस्ट इन्डिजका केसरिक विलियम्सले चौंथो संस्करणको एभरेष्ट प्रिमियर लिग (ईपीएल) टी-ट्वान्टी क्रिकेट प्रतियोगिता खेल्ने भएका छन् ।

लेभी र विलियम्सले पोखरा राइनोजबाट चौंथो संस्करणको ईपीएल खेल्ने भएका हुन्।

पोखराले प्रतियोगितामा लागि लेभी र विलियम्सलाई अनुबन्ध गरिएको जनाएको छ ।

चौंथो संस्करणको ईपीएल क्रिकेट असोज ९ गतेदेखि असोज २३ गतेसम्म टियु क्रिकेट मैदानमा हुनेछ।

प्रतियोगितामा ६ शहरका फ्रेन्चाइज टिमले सहभागिता जनाउने छन् ।

प्रतियोगितालाई अन्तर्राष्ट्रिय क्रिकेट परिषद् (आईसीसी) र नेपाल क्रिकेट संघ (क्यान) ले मान्यता दिईसकेको छ ।

साविक विजेता ललितपुर प्याट्रीयट्ससंगै भैरहवा ग्ल्याडियटर्स, काठमाडौं किङ्स इलाभेन, पोखरा राइनोज, चितवन टाइगर्स र विराटनगर वारिवर्सले प्रतिस्पर्धा गर्ने छन् ।