मोरिन्होको हजार खेल पूरा   

काठमाडौं । इटालियन क्लब रोमाका प्रशिक्षक जोसे मोरिन्होले प्रशिक्षकको रुपमा १००० खेल पूरा गरेका छन् ।

सिरी ए अन्तर्गत आइतबार राति सासोउलोविरुद्धको खेलसँगै मोरिन्होले १००० खेलको कोशेढुंगा पूरा गरेका हुन् ।

मोरिन्होले प्रशिक्षकको रुपमा १००० खेल खेल्दा ६ सय ३८ खेल जितेका छन् । यस्तै २ सय ५ खेल बराबरीमा सकिएको छ भने १ सय ५७ खेलमा हार व्यहोरेका छन् ।

मोरिन्होले कोशेढुंगा पूरा गरेको खेलमा रोमाले सासोउलोलाई २-१ ले हराएको छ । रोमाको जितमा ब्रायन क्रिस्टान्टे र स्टेफन एल शरावेले एक एके गोल गरे । सासोउलका फिलिपले एक गोल फर्काए ।

रोमा ३ खेलमा ९ अंक जोडेर शीर्ष स्थानमा रहेको छ ।