काठमाडौं । इंग्लिस प्रिमियर लिग फुटबलमा क्रिस्टल प्यालेसले टोटेनहमलाई पराजित गरेको छ ।
शनिबार भएको खेलमा क्रिस्टलले टोटेनहमलाई ३-० गोल अन्तरले पराजित गरेको हो ।
क्रिस्टलको जितमा ओडसन एडुवार्डले दुई गोल गरे । विल्फ्रिड जाहाले एक गोल गरे ।
पहिलो हाफ गोलरहित बराबरीमा सकिएको खेलको ५८ औं मिनेटमा टोटेनहम १० खेलाडीमा समेटियो ।
उसका टाङगंगा दोहोरो पहेलो कार्डसहित रातो कार्ड पाएर मैदानबाट बाहिरिएका थिए । जसको फाईदा क्रिस्टलले बनायो ।
खेलको ७६ औं मिनेटमा जाहाले पेनाल्टीमा गोल गर्दै घरेलु टोलीलाई १-० को अग्रता दिलाए ।
खेलको ८४ औं मिनेटमा जाहाको पासमा एडुवार्डले गोल गर्दै क्रिस्टललाई २-० को अग्रता दिलाए ।
त्यसपछि खेलको इन्जुरी समयमा एडुवार्डले व्यक्तिगत दोस्रो गोल गर्दै क्रिस्टललाई ३-० को जित दिलाए ।
यससँगै शीर्ष स्थानको टोटेनहमले सिजनको पहिलो हार व्यहोरेको छ । टोटेनहम अघिल्लो तीन खेलमा अपराजित रहेको थियो ।
टोटेनहमले ४ खेलमा ९ अंक जोडेको छ ।
क्रिस्टल ४ खेलमा ५ अंक जोडेर ११ औं स्थानमा रहेको छ ।
-1751597995.webp)
