काठमाडौं । इंग्लिस क्लब म्यानचेस्टर युनाईटेडका पोर्चुगिज फरवार्ड क्रिस्टियानो रोनाल्डो टिमको प्रशिक्षणमा सामेल भएका छन् ।
युनाईटेडमा अनुबन्ध भएपछि रोनाल्डो पहिलो पटक टिमको प्रशिक्षणमा जोडिएका हुन् ।
युनाईटेडले मंगलबारबाट रोनाल्डो टिमको प्रशिक्षणमा सामेल भएको जनाएको छ ।
रोनाल्डो गत शुक्रबार इंग्ल्यान्ड आईपुगेका थिए । पोर्चुगलले रिलिज गरेपछि रोनाल्डो इंग्ल्यान्ड आएका हुन् ।
इंग्ल्यान्ड आएर क्वारेन्टिनपछि रोनाल्डो टिमको प्रशिक्षणमा सामेल भएका हुन् ।
३६ वर्षीय रोनाल्डोले युनाईटेडसँग दुई वर्षको सम्झौता गरेका छन् ।
रोनाल्डो १२ वर्षपछि युनाईटेड फर्किएका हुन् ।
यस अघि रोनाल्डोले सन् २००३ देखि ९ सम्म युनाईटेडबाट खेलेका थिए । उनले युनाईटेडबाट २ सय ९२ खेलमा १ सय १८ गोल गरेका थिए ।
त्यस समय उनले युनाईटेडबाट तीन प्रिमियर लिग, एक च्याम्पियन्स लिग, दुई लिग कप र एक एफए कप जितेका थिए ।
पाँच पटकको बालोन डी' ओर विजेता रोनाल्डो इंग्लिस क्लब छाडेर स्पेनिस क्लब रियल मड्रिड गएका थिए ।
रोनाल्डो २००९ मा स्पेनिस क्लब आएका थिए । रियलमा ९ सिजन बिताएर रोनाल्डो २०१८ मा युभेन्ट्स आएका थिए ।
-1751696964.webp)
