सेभियाको जितमा लामेला नायक

काठमाडौं । स्पेनिस ला लिगा फुटबलमा सेभियाले लगातार दोस्रो जित निकालेको छ ।

सोमबार राति गेटाफेलाई १-० गोल अन्तरले पराजित गर्दै सेभियाले लगातार दोस्रो जित निकालेको हो ।

सेभियालाई जित दिलाउन एरिक लामेलाले निर्णायक गोल गरे ।

लामेलाले खेलको इन्जुरी समयमा गोल गरे । लामेलाले लगातार दोस्रो खेलमा गोल गरेका हुन् ।

यस जितसँगै सेभिया लिगको शीर्ष स्थानमा उक्लिएको छ ।

सेभियाले २ खेलमा ६ अंक जोडेको छ ।

गेटाफेले भने लगातार दोस्रो हार व्यहोरेको छ ।

अर्को खेलमा सेल्टा भिगो र ओसासुनाले गोलरहित बराबरी खेल्दै अंक बाडेका छन् ।