काठमाडौं । इंग्लिस क्लब लिभरपुलका मिडफिल्डर जद्रान शाकिरी फ्रेन्च क्लब लियोनमा अनुबन्धित भएका छन् ।
लियोनले स्विट्जरल्यान्डका मिडफिल्डर शाकिरी अनुबन्धका लागि लिभरपुलसँग सहमति भएको जनाएको छ ।
लियोनले उनलाई ९.५ मिलियन पाउण्डमा अनुबन्ध गर्ने बताईएको छ ।
शाकिरीको मेडिकलपछि औपचारिक सम्झौता गरिने लियोनले जनाएको छ ।
शाकिरी सन् २०१८ मा स्टोकबाट लिभरपुल आएका थिए ।
लिभरपुलका लागि उनले ६३ खेलमा आठ गोल गरेका छन् ।
२९ वर्षीय मिडफिल्डरले स्विट्जरल्यान्डका लागि ९६ खेलमा २६ गोल गरेका छन् ।
युरोकप २०२० मा उनले ५ खेलमा ३ गोल गरेका थिए ।
