काठमडौं । राष्ट्रिय खेलकुद परिषद् राखेपले क्षेत्रिय संरचनामा काम गर्दै आएको खेलकुद विकास समितिलाई प्रादेशिक संरचनामा रुपान्तरित गरेको छ । राज्य पुर्नसंरचना अनुसार क्षेत्रिय खेलकुद विकास समितिको रुपमा काम गर्दै आएका पाँच क्षेत्रिय खेलकुद विकास समितिलाई खारेज गर्दै राखेपले प्रादेशिक खेलकुद विकास समितिमा परिवर्तन गरेको हो ।
अन्य थप दुई प्रदेशमा हकमा अर्को व्यवस्था नभए सम्मकालागि प्रदेशको जिम्मेवारी हेर्ने गरि दुई संयोजक तोकेको छ । खेलकुद मन्त्रालयले संघिय संरचना अनुसार खेलकुद क्षेत्रको पुर्नसंरचना गर्ने गरि यसै बर्ष खेलकुद ऐन ल्याउदैछ । ऐन पारित नहुदाँसम्म संघिय संरचनाको आधारमा राखेपले खेलकुद संरचनाको स्वरुपमा परिवर्तन गरेको हो ।
यसअघि पाँच विकास क्षेत्र अनुसार क्षेत्रिय खेलकुद विकास समितिले काम गर्दै आएका थिए । संघिय संरचना अनुसार अब सात प्रदेशको खेलकुद विकास समिति रहनेछ ।
राखेपले बोर्ड बैठकमार्फत हालका क्षेत्रिय खेलकुद समितिलाई प्रदेश खेलकुद विकास समितिमा परिवर्तन गर्दै जिम्मेवारी प्रत्यायोजन गरेको छ । रिक्त रहेको प्रदेश नम्बर ३ मा सुदील शाही र प्रदेश ६ मा शान्ति सिंहलाई संयोजक सहित जिम्मेवारी तोकिएको छ ।
शाही र सिंह दुवै राष्ट्रिय खेलकुद परिषदका सदस्य हुन् ।
यस्तै, पुर्वाञ्चल क्षेत्रिय खेलकुद विकास समितिका अध्यक्ष रविन नगरकोटीलाई प्रदेश एकको जिम्मेवारी दिईएको छ ।
मध्यमाञ्चलका मानदेव हजारालाई प्रदेश दुईको, पश्चिमाञ्चलका कार्यवहाक अध्यक्ष सम्पन्न श्रेष्ठलाई प्रदेश चारको, मध्यपश्चिमाञ्चालका भिम ओलीलाई प्रदेश पाँचको र सुदुरपश्चिमाञ्चल क्षेत्रिय खेलकुद विकास समितिका अध्यक्ष लालबहादुर शाहीलाई प्रदेश ७ को जिम्मेवारी दिईएको राखेपले जनाएको छ ।
-1751205100.jpg)
